EIDER PROTAGONISTA

Lau urtekoen txanda mustu du Eiderrek. Ohi bezala lehenengo egunean etxetik gustoko jostailuak ekarri zituen eta astean osoan zehar atsegin haundiz aritu dira haiekin jolasean. Printzesen liburua, lepoko bizi-biziak, puzzleak, memory... jolas askoz bete genuen protagonistaren kutxa.

Atzo berriz, Eiderren amatxo Idoia eta Iñaki eta Juanjo osabak etorri ziren eskolara. Makina bat kontu kontatu zizkiguten. Horien artean Eider eta bere anaia Unaien izena nola aukeratu zuten kontatu ziguten, eta baita Idoia eta Iñakirena ere. Bai istorio polittak! 

Lagunak ba al zenekiten Iñaki eta Juanjo Idoiaren anaiak direla? Ezetz asmatu zein den hirurentan zaharrena, ertaina eta txikiena?  

Laukote, eskerrik asko atzoko eguna gurekin pasatzeagatik. Oso polita izan zen zuek bertan egotea!

Martxoak 3 hitzordu garrantzitsua dugu!!!

MARCOS PROTAGONISTA

Hiru urtekoen txanda amaitzen ari den honetan Marcos izan da protagonista. Poz-pozik etorri zen eskolara anaiaren eskutik gustoko jostailuak zekartzala. Lagunei erakutsi eta elkarrekin jolasteko aukera izan dute gelan.

Ricardo anaia ere gelan izan da. Familiako albuma elkarrekin ikusi eta zenbait konturen berri eman zigun anaiak.

Ederki pasa dugu beste behin ere guztiok elkarrekin.

Eskerrik asko Marcos eta Ricardo.

ELENE PROTAGONISTA

Hiru urtekoen protagonista erronda amaitzen ari den honetan, Elene izan zen pasa den asteko protagonista. Ohi bezala, Astelehenean gustoko jostailuak ekarri zituen etxetik: takoidun zapatak, pirata mozorroa, dominoa... eta inauteriak iristear daudenean, gelako lagunak mozorratzera animatzeko aukera aparta eskaini zigun. 

Ostegunean, anaia Ion eta ama Maria izan ziren gelan. Jaiotza nola izan zen eta bere izena aukeratzera zerk animatu zituen kontatu ziguten hirurek elkarrekin. Istorio polita benetan! Ondoren, udaletxera gonbidatu gintuzten buru haundien taillerra erakutsi eta San Juanetan mustuko diren pertsonaia berezi hauek ezagutzera.

Ederki pasa genuen zuen konpainian.Eskerrik asko hirukote!

LOREA PROTAGONISTA

Lorearen txanda izan da aste honetan. Ohi bezala, astelehenean etxetik gustoko jostailuak ekarri zituen: danborra, printzesaren soinekoa, panpina... eta arrakasta haundia sortu duen medikuaren maletina. Aste osoan zehar makina bat mediku eta erizain izan dugu gelan. Baita gaixoak nahiz erditzera ospitalera joan direnak. Amajina dira erizain eta medukuek egindako lanak.

Ostegunean, ama Nerea etorri zen eta alabaren ipuina, jaiotza eta izenaren historia kontatu zizkigun. Loreak gustoko txokoak erakutsi zizkion amatxori.

Eskerrik asko bikote, oso gustora egon gara zuekin!

LEIRE PROTAGONISTA

Oporretatik bueltan Leire Nazabal izan da protagonista. Poz-pozik etorri zen astelehenan eskolara jostailu kutxa bat eskuetan zekarrela. Denetarik aurki zitekeen bertan: ipuinak, golfeko makil eta pilotak, panpinak, musika tresnak, argazki makina... Ederra festa egunotan izan duguna!

 

Ohitura den legez, ostegunean ama eta amona etorri ziren gelara. Gurekin jolastu zuten atsegin haundiz eta izugarri gozatu genuen eurekin batera. Leire baserrian ipuin pertsonalizatua kontatu ziguten ama-alabek elkarrekin, eta beren alaben izenak nola aukeratu zituzten kontatu ziguten besteak beste. Oso gustora egon ginen zuekin laukote.

Eskerrik asko, Leire, Joane, Cristina eta Petri!

OLAIA PROTAGONISTA

Olaia protagonista zela itxi genuen Abendua. Lehenengo egunean, makina bat jostailurekin etorri zen eskolara. Kitarra, egurrak, mahai jolasak... ederki pasa genuen guztiarekin jolasean.

Egun batez, aita eta ama gurekin egotera etorri ziren. Dantza, kanta... denetik egin genuen beren konpainian. Gainera, Olaia izena zergatik aukeratu zuten kontatu ziguten. Oso politta izan zen.

Eskerrik asko hirukote!